Tökum vel á móti erlendum ferðamönnum

Það er mikið gleðiefni að Bretar skuli í auknum mæli spáí að koma til Íslands í frí utan háannar, ekki síst núna þegar gjaldeyrisskortur er mikið vandamál á Íslandi. En betur má ef duga skal og ekki þýðir lengur að fækka flugferðum milli landa eins og Icelandair gerði í haust til að bregðast við þá fyrirsjáanlegri minni eftirspurn.

Ég legg til að opinberir aðilar í samstarfi við flugfélögin hefji sérstakt átak til þess að fá enn fleiri ferðamenn til landsins núna og fram í apríl. Félag leiðsögumanna hefur lýst sig reiðubúið til þess að aðstoða ferðaskrifstofur og aðra við það að finna hæfa og vel menntaða leiðsögumenn í þau verkefni sem skjóta upp kollinum. 

Þetta væri hægt að útfæra með ókeypis flugferðum til og frá landinu og er t.d. hægt að auglýsa í útvarpsþáttum sambærilegum við Reykjavík síðdegis í Bretlandi og víðar. Þannig væri hægt að koma réttum skilaboðum á réttan stað en skilaboðin eru að sjálfsögðu þau að hér á landi er nánast allt ódýrara fyrir erlenda ferðamenn en áður hefur tíðkast.

Mikill áhugi á flugi til Íslands

Athugasemdir

[Fannar (IP-tala skráð) 19.10.2008 kl. 12:17]

klárlega... Ég meina ef það er eftirspurn þá á að sjálfsögðu ekki að draga saman, sé ekki munin hvort það eru Íslendingar sem fara til og koma svo frá Glasgow eða Skotar að koma hingað og fara svo tilbaka ... Einnig tel ég það mikilvægt fyrir Íslendinga að reyna að halda í ímyndina um náttúrufegurð og gott fólk... Aðeins að reyna að laga ímyndina okkar meðan þessi ósköp ganga yfir...

[Friðrik Þór Guðmundsson, 20.10.2008 kl. 00:18]

"... átak til þess að fá enn fleiri ferðamenn til landsins núna"? Væri svo sem fínt (fyrir utan koltvísýringslosunina), en ég er hræddur um að það verði erfitt í ríkjandi kreppu. Er ekki gefið að fólk í hinum Vestræna heimi þarf að spara og að þá detti dýrustu ferðirnar (sbr. Ísland) útundan?

Ég spyr Fannar; sýnist þér sú ímynd vera uppi að Íslendingar séu gott fólk? Allur heimurinn er núna vondur við okkur, vill ekki hjálpa okkur og vill ekki tala við okkur. Orðstír okkar er í rusli vegna útrásarsnillinganna...