Ferðaþjónustan þarf á krísustjórnun að halda

Gjósi Hekla er nauðsynlegt að koma skilaboðum til innlendra og erlendra ferðamanna áleiðis með skilvirkum og öruggum hætti, t.d. með upplýsingum á vefsíðu, til þess að þeir: a). komi til að njóta gossins. b). komi ekki.

Fólk verður að hafa öruggar heimildir fyrir því hvernig ástandið er á staðnum á hverjum tíma til að geta byggt ákvörðun sína á.

Frétt af eldgosi á Íslandi getur orsakað að ferðskrifstofa hættir við að senda hóp til Íslands, af "öryggisástæðum". Sú ákvörðun er hugsanlega byggð á röngum forsendum sem er bagalegt fyrir innlenda ferðaþjónustuaðila sem missa spón úr aski sínum - og þjóðarbúið, nú á síðustu og verstu tímum í gjaldeyrismálum.

Íslendingar vita af reynslu að gos í Heklu þarf ekki að þýða rask á samgöngum, en það vita útlendingar ekki.

Hekla getur gosið hvenær sem er

Athugasemdir

[Íris Hrund Halldórsdóttir (IP-tala skráð) 23.10.2008 kl. 14:08]

Mig langar að taka undir þetta hjá þér Stefán.  Mikilvægt er að ferðaþjónustan taki sig saman, hvort sem það verði á hverju svæði fyrir sig eða yfir allt landið og vera undirbúin með áætlun ef "krísa" kæmi upp.  Krísan gæti tengst efnahagi, umhverfinu, pólitískum þáttum eða hryðjuverkum.  Við höfum séð það hvernig skortur á góðu upplýsingastreymi hefur leikið landann undanfarið.  Hvort sem áfallið eða krísan sé stór eða lítil skiptir ekki máli, lítið áfall getur haft mikil áhrif ef upplýsingagjöfin er ekki næg.  Við vitum að fréttamenn eiga oft til að gera úlfalda úr mýflugu.  Ferðaþjónustan er sérstök atvinnugrein og ef hluti fyrirtækja eiga í erfiðleikum á öll atvinnugreinin í vandræðum.  Ef blásið er upp í erlendum fjölmiðlum eldgos í Heklu, sem í raun er mögulega lítið og túristavænt.  Íslandi er vinsælt í erlendum fjölmiðlum þessa dagana(ekki af góðu) og það væri einsog að skvetta olíu á eld ef færi að gjósa og ekki væru til samræmdar aðgerðir aðila ferðaþjónustunnar til þess að koma réttum upplýsingum í hendur réttra aðila.   

Það er þrennt sem er mjög mikilvægt í krísu: samstilling eða samþætting, samvinna, samskipti og skuldbinding.   Mikilvægt er að undirbúa sig fyrir hverskonar áföll.  Við vitum aldrei hver áföllin verða en við værum þó búin að átta okkur á því til hvaða aðgerða þarf að grípa og hver er ábyrgð hvers og eins.    Þegar löndin í kringum okkur verða vitni að því að ferðaþjónustan hér á landi geta tekið af festu á öryggi á áföllum skapar það visst traust. Ekki veitir af á síðustu og verstu.

Íris Hrund Halldórsdóttir, leiðsögumaður og M.S. nemi í Ferðamálafræði.

[Stefán Helgi Valsson, 24.10.2008 kl. 07:48]

Sæl Íris, gaman að heyra frá þér og takk fyrir innleggið! Gangi þér vel í náminu á Vestfjörðum.

[Kjartan Pétur Sigurðsson, 30.10.2008 kl. 20:34]

Þetta er áhugaverður punktur hjá þér. Það þarf að vera öflugt kerfi sem er fljótt að bregðast við bæði til að nýta sér svona aðstæður og ef það er alvarlegt að sjá svo til að ekkert komi upp á.