Hegningarhúsið við Skólavörðustíg verði hótel eða gistiheimili

Hegningarhúsið við Skólavörðustíg samræmist ekki lengur kröfum sem gerðar eru til slíks húsnæðis. Rætt hefur verið um að loka því við fyrsta tækifæri. Ég legg til að þar komi í staðinn hótel eða gistiheimili.

Hótelið/gistiheimilið í hegningarhúsinu við Skólavörðustíg kæmist í hóp Unusual Hotels of the World og kæmist þar í flokk með Langholmen Hotel í Svíþjóð.

Svo má lengi velta því fyrir sér hvort ekki sé upplagt að búa til hótel í gömlum strætisvögnum, skipum og bátum (á láði eða legi) sem og í manngerðum hellum á Íslandi en þeir eru um 200 talsins.

Athugasemdir

[Kjartan Pétur Sigurðsson, 2.1.2009 kl. 08:36]

Góð hugmynd. ég sé að þú kemur aðeins inn á hellahugmynd líka. Á Íslandi er til mikið magn af alvöru hraunhellum. Samkvæmt líkindareikningi, þá er talið að það séu um 10.000 hraunhellar á Íslandi. Spurning um að reyna að nýta einn þeirra sem "óvenjulegt" hótel.

[Þórður Ingi Bjarnason, 4.1.2009 kl. 10:28]

Ég hef líka velt því fyrir mér sambandi við þann niðurskurð sem fangelsismálastofnun verður fyrir og loka á fangelsinu á Akureyri í 3 mánuði.  Hvernig væri að loka yfir há sumarið og nýta þessa nýju klefa sem gistiheimili.  Þarna væri hægt að selja fullkomna gistingu og um leið fá pening inn í fangelsismálastofnun.

[Stefán Helgi Valsson, 5.1.2009 kl. 03:15]

Takk fyrir þetta strákar. Kjartan, það eru fullt af hraunhellum satt er það, en þeir eru líklega flestir hriplekir og óhenntugir til íveru, nema farið sé á eitthvað dýpi auðvitað. Sjálfsagt veist þú um einn góðan hraunhelli, ég er viss um það.

Svo heyrði ég á útvarpi Sögu í dag hugmynd þess efnis að leggja niður Seðlabankann og gera Seðlabankahúsið að fangelsi í staðinn. Það mætti alveg eins gera það að hóteli.

Svo er eitt sem mér finnst synd fyrir ferðaþjónustuna og það er að líkur eru á að ráðstefnu- og tónlistarhús komist seint í gagnið og alls ekki árið 2009 eins og að var stefnt. Að mínu mati er einmitt að byggja svona hús þegar illa árar, þá verður það tilbúið þegar betur árar.